ஆன்மீக பாரம்பரியத்தின் ஒளிவிளக்கு
ஆக்கம்:-
மெளலவீ HMM.பஸ்மின் றப்பானீ
இப்னு அதாஉல்லாஹ் அஸ்ஸிக்கந்தரி கத்தஸல்லாஹு ஸிர்ரஹுல் அஸீஸ்
(1260 – 1309) என்றால் இஸ்லாமிய ஆன்மிக வரலாற்றில் ஒரு மிகப் பெரிய பேராண்மை.
இவர்களின் முழுப் பெயர்
تاج الدين أبو الفضل أحمد بن محمد بن عبد الكريم.
தாஜுத்தீன் அபுல் பழ்ல் அஹ்மத் இப்னு முஹம்மத் இப்னி அப்தில் கரீம்.
ஷாதுலிய்யா ஆன்மிக மரபில் உயர்ந்த நிலையில் விளங்கிய இவர்கள், சிறந்த ஃபிக்ஹ் அறிஞராகவும் தத்துவஞானியாகவும் மக்களிடையே புகழடைந்திருந்தனர்.
அவர்கள் உலகிற்கு அளித்த ஆன்மிகப் போதனைகளும் எழுத்துக்களும் இன்றும் பேரொளியாக விளங்குகின்றன.
வளர்ச்சி மற்றும் வாழ்வு
இப்னு அதாஉல்லாஹ் அஸ்ஸிக்கந்தரி கத்தஸல்லாஹு ஸிர்ரஹுல் அஸீஸ்,
(ஜுதாம்)குலத்தைச் சேர்ந்தவராக அலெக்ஸாண்ட்ரியாவில் பிறந்தார்கள்.
Alexandria (السكندرية) எகிப்தின் இரண்டாவது பெரிய நகரமாகும்.
இது ஒரு முக்கிய பொருளாதார மையமாகவும், சுற்றுலா ஈர்ப்புச் செயல்பாடுகளுக்கான இடமாகவும் விளங்குகிறது.
இவர்களதது குடும்பம், இஸ்லாமிய படையெடுப்பின் போது எகிப்தில் குடியேறியது.
சிறுவயதில், இப்னு அதாஉல்லாஹ் அஸ்ஸிக்கந்தரி கத்தஸல்லாஹு ஸிர்ரஹுல் அஸீஸ்
ஷரீஅத் சட்டங்களிலும் மதவியலிலும் அரபு மொழி இலக்கியத்திலும் தீவிரமாக பயின்று சிறந்த நுண்ணறிவை வளர்த்துக் கொண்டார்கள்.
அவர்களது பாட்டனார், ஷைக் அபூ முஹம்மத் அப்துல்கரீம் பின் அதா உல்லாஹ், ஒரு புகழ்பெற்ற ஃபிக்ஹ் அறிஞராக இருந்தார்.
"இப்னு அதாஉல்லாஹ் "அவர்களைப் பின்பற்றி, இளம் வயதிலேயே தன்னுடைய மார்க்க அறிவைப் பெருக்கினார்கள்.
ஆன்மிக பாதையில் திருப்பம்
இப்னு அதாஉல்லாஹ் அஸ்ஸிக்கந்தரி கத்தஸல்லாஹு ஸிர்ரஹுல் அஸீஸ் அவர்கள் தனது வாழ்க்கையின் ஆரம்ப காலங்களில் ஆன்மிக சிந்தனைகளைக் (தஸவ்வுப்) கண்டித்தவராக இருந்தார்கள்.
அவர்கள் ஒருகாலத்தில் கூறினார்கள்:
"من قال إن هناك علماً غير الذي بأيدينا فقد افترى على الله"
(அதாவது, "நம்மிடம் உள்ள மார்க்க அறிவைத் தவிர வேறு அறிவு இருக்கிறது என்று கூறுபவர், அல்லாஹ்வின் மீது பொய்சொல்லிவிட்டார்").
ஆனால், இப்னு அதாஉல்லாஹ் அஸ்ஸிக்கந்தரி கத்தஸல்லாஹு ஸிர்ரஹுல் அஸீஸ்,அவர்கள்
ஷைக் அபுல் அப்பாஸ் அல்-முர்ஸி
(أبو العباس المرسي)
அவர்களின் ஆழ்ந்த ஆன்மிக போதனைகளை கேட்டபின், தமது சிந்தனைகளில் மிகப்பெரிய மாற்றம் கண்டார்கள்.
தனது பழைய கருத்துக்களைப் பற்றி அவர்கள் கூறும்போது
"كنت أضحك على نفسي في هذا الكلام."
(அதாவது, "நான் அந்த வார்த்தைகளில் என்னையே சிரித்துக் கொள்ளக்கூடியவனாக ஆகியிருந்தேன்").
என்று பின்னர் கூறினார்கள்.
அபுல் அப்பாஸ் அல்முர்ஸீ ஆண்டகை அவர்கள்
"இப்னு அதாஉல்லாஹ் அஸ்ஸிக்கந்தரி" கத்தஸல்லாஹு ஸிர்ரஹுல் அஸீஸ் அவர்களை முன்னறி வித்து கூறினார்கள்
"والله لا يموت هذا الشاب حتى يكون داعياً إلى الله وموصلاً إلى الله."
(அதாவது, "இந்த இளைஞன் இறப்பதற்குள் மக்களை அல்லாஹ்வின் அருகில் அழைக்கும் உயர்ந்த வழிகாட்டியாக மாறுவார்").
அவர்களின் குருவின் வழிகாட்டுதலில், இப்னு அதாஉல்லாஹ் அஸ்ஸிக்கந்தரி கத்தஸல்லாஹு ஸிர்ரஹுல் அஸீஸ் ஆன்மிக துறையில் உயர்ந்த நிலையில் வளர்ந்தார்கள்.
ஆன்மிக மாணாக்கர்கள் மற்றும் பங்களிப்பு
இப்னு அதாஉல்லாஹ் அஸ்ஸிக்கந்தரி கத்தஸல்லாஹு ஸிர்ரஹுல் அஸீஸ்
அவர்களின் வாழ்வில், அவர்களிடம் பல மாணாக்கர்கள் வழிகாட்டல் பெற்றனர்.
அவர்களில்குறிப்பிட்டுச் சொல்லக் கூடியவர்கள்..
ابن المبلق السكندري
இப்னு அல்-முபல்லிக்
تقي الدين السبكي
தகிய்யுத்தீன் அஸ்ஸுப்கி
(ஷாஃபிஈ மஸ்ஹபின் புகழ் பெற்ற
அறிஞர்.)
புகழ்பெற்ற நூல்கள்
இப்னு அதாஉல்லாஹ் அஸ்ஸிக்கந்தரி கத்தஸல்லாஹு ஸிர்ரஹுல் அஸீஸ், அவர்களின் ஆய்வு, தத்துவம் மற்றும் ஆன்மிகத்தில் உள்ள சிறந்த கருத்துகளை நூலாகப் பதிவு செய்தனர்.
இவற்றில் முக்கியமானவை:
1. لطائف المنن
லதாஃஇஃபுல் மினன்
ஷைக் அபுல் அப்பாஸ் முர்ஸீ மற்றும் அபுல் ஹசன் ஆண்டகை ஆகியோர் பற்றிய புகழ்பாடல்கள்.
2. القصد المجرد في معرفة الاسم المفرد
அல்-கஸ்துல் முஜர்ரத் பீ மஃரிபதில் இஸ்மில் முப்றத்
அல்லாஹ்வின் திருப்பெயரை விளக்கும் நூல்.
3. التنوير في إسقاط التدبير
அத்தன்வீர் பீ இஸ்காதித் தத்பீர்
தன்னிச்சையான செயல்களை விட்டுவிட்டு இறைநம்பிக்கையை வளர்ப்பது.
4. تاج العروس
தாஜுல் அரூஸ்
மனதின் தூய்மையை மேம்படுத்துதல்.
5. الحكم العطائية
அல்-ஹிகமுல் அத்தாயிய்யா
இஸ்லாமிய ஆன்மிகத்தில் உயர்ந்த இடம் பெற்ற தத்துவக் கூறுகள்.
அவற்றில் الحكم العطائية (அல்-ஹிகமுல் அதாயிய்யா) இன்றும் உலகெங்கும் பல இஸ்லாமிய கல்வி நிலையங்களில் கற்பிக்கப்படுகிறது.
இறப்பு மற்றும் நினைவகம்
இப்னு அதாஉல்லாஹ் அஸ்ஸிக்கந்தரி கத்தஸல்லாஹு ஸிர்ரஹுல் அஸீஸ். அவர்கள்
1309 ஆம் ஆண்டு கெய்ரோவில் உள்ள அல்-மன்சூரிய்யா மத்ரஸாவில் மறைந்தார்கள்.
அவர்களின் உடல் முகத்தம் மலையின் அடிவாரத்தில் அடக்கம் செய்யப்பட்டது.
1973 ஆம் ஆண்டு, அந்த இடத்தில் ஒரு அழகிய பள்ளிவாயல் கட்டப்பட்டது.
இன்றும், இப்னு அதாஉல்லாஹ் அஸ்ஸிக்கந்தரி கத்தஸல்லாஹு ஸிர்ரஹுல் அஸீஸ்
அவர்களின் கப்ர் ஷரீப் ஆன்மிகப் பயணிகளுக்கும் இறைநேச உணர்வாளர்களுக்கும் ஒரு புனிதத் தளமாக விளங்குகிறது.
அவர்களின் ஆழ்ந்த வார்த்தைகள் இன்றும் ஒளிவிளக்காக இருக்கின்றன:
"إذا أردت أن تعرف مقامك عند الله فانظر في مقام الله في قلبك."
(அதாவது, "நீ அல்லாஹ்விடம் எந்த நிலையிலிருக்கிறாய் என்பதைப் புரிந்து கொள்வதற்கு
உன் இதயத்தில் அல்லாஹ்வின் நிலையைப் பாரு").
இப்னு அதாஉல்லாஹ் அஸ்ஸிக்கந்தரி (رحمه الله) அவர்கள் அல்லாஹ்வின் இருப்பு மற்றும் தன் உண்மையின் உணர்வு குறித்து ஆழ்ந்த கருத்துக்களைக் கூறியுள்ளார்கள்.
குறிப்பாக "الحكم العطائية" (அல்-ஹிகமுல் அத்தாயிய்யா) என்ற நூலில் உள்ள ஒரு புகழ்பெற்ற கூற்றானது:
"وجودك ذنب لا يقاس به ذنب، وحسناتك من عطاياه، ووجودك من خطاياك."
அதாவது, "உனது இருப்பு எனப்படும் அகந்தை உணர்வு என்பது மற்ற எந்த பாவத்துடனும் ஒப்பிட முடியாத ஒரு பாவமாகும்;
உனது நற்கருமங்கள், அவனது பரிபூரணமான பரிசுகளிலிருந்து முள்ளதாகும்;
உனது (அனாவசிய - நான் ஒருவன் இருக்கிறேன் எனும்) இருப்பு,
உன் பிழைகளிலிருந்து முள்ளதாலும்.")
இது மூலம், இப்னு அதா உல்லாஹ் அவர்கள் அல்லாஹ்வின் மாறா உண்மை நிலையையும், மனிதன் தன்னை அறிந்து அகந்தையை விலக்கிக் கொள்ள வேண்டும்
என்பதையும் வலியுறுத்தியுள்ளார்கள்.
மேலும், அவர்கள் கூறிய இன்னொரு கூற்றும் பிரபலமாக இருக்கிறது:
"ما قادك شيء مثل الوهم، ولا أخرجك من شيء مثل الوهم"
"உன்னைக் கட்டியடக்கும் எந்த ஒரு விஷயமும் மாயைபோல் இல்லை;
அதிலிருந்து உன்னை மீட்கும் எந்த ஒரு விஷயமும் மாயைபோல் இல்லை."
கருத்து:
மாயை அல்லது தவறான கற்பனை மனிதனை வழி தவறடிக்கும் மிகச் சிறந்த காரணமாகும்.
அதே நேரத்தில், மாயையின் உண்மையை புரிந்து கொண்டால், அதிலிருந்து வெளிவர முடியும்.
எனவே, மனிதன் மாயையை ஏற்கவும் மறக்கவும் இச்சக்தி கொண்டிருக்க வேண்டும்.
இது மூலம், அல்லாஹ்வின் இருப்பை உணர்வதற்கான அகங்காரத்திலிருந்து விடுதலை மற்றும் மனதின் தெளிவின் அவசியத்தை எடுத்துரைக்கின்றார்கள்.
இப்னு அத்தா அல்லாஹ் அஸ்ஸிக்கந்தரி (رحمه الله) அவர்கள்
"நூரே முஹம்மதிய்யா" (نور محمدية) பற்றிய கருத்துகளை தம் எழுத்துகளிலும் ஆழ்ந்த சிந்தனைகளிலும் வெளிப்படுத்தியுள்ளார்கள்.
அவர்கள் நபி முஹம்மதுர் ரஸூலுல்லாஹி ஸல்லல்லாஹு அலைஹி வஸல்லம் அவர்களை
"உலகிற்கும் அனைத்திற்கும் சிருஷ்டிக்கப்பட்ட முதல் ஒளி" என்று குறிப்பிட்டுத் தங்கள் பாசத்தையும் மரியாதையையும் தெரிவித்துள்ளனர்.
அதன்படி, நூரே முஹம்மதிய்யா பற்றிய இப்னு அத்தாஉல்லாஹ் நாயகம் அவர்களின் சில கருத்துக்கள்:
1. "الله خلق النور المحمدي قبل كل شيء، وجعل منه أصل كل شيء."
(அதாவது: "அல்லாஹ் சர்வ படைப்புக்கள் அத்தனையையும் படைப்பதற்கு முன் முதலில் நபி முஹம்மதுர் ரஸூலுல்லாஹி ஸல்லல்லாஹு அலைஹி வஸல்லம் அவர்களின் ஒளியை சிருஷ்டித்தான்,
மேலும் அதிலிருந்துதான் அனைத்தின் (அடிவேரை)அடிப்படையை ஆக்கினான்.")
இது அவர்கள், நபி முஹம்மதுர் ரஸூலுல்லாஹி ஸல்லல்லாஹு அலைஹி வஸல்லம் அவர்களின் மீதுள்ள ஆன்மிக நிலையை சுட்டிக்காட்டுகிறது.
2. "نور محمدي هو التجلي الأول الذي جعله الله رحمة للعالمين."
(அதாவது: "நபி முஹம்மதுர் ரஸூலுல்லாஹி ஸல்லல்லாஹு அலைஹி வஸல்லம் அவர்களின் ஒளி, அல்லாஹ்வின் முதல் வெளிப்பாடாகவும், உலகங்களுக்கு இரக்கமாகவும் விளங்குகிறது.") என்றும்,
3. "كل أنوار العالم مشتقة من النور المحمدي."
(அதாவது: "உலகின் அனைத்து ஒளிகளும், நபி முஹம்மதுர் ரஸூலுல்லாஹி ஸல்லல்லாஹு அலைஹி வஸல்லம் அவர்களின் ஒளியிலிருந்து பெறப்பட்டவையாகும்.")
என்றும் கூறியுள்ளார்கள்.
இப்னு அதாஉல்லாஹ் நாயகம் அவர்கள் "நூரே முஹம்மதிய்யா" என்ற ஒளியை ஒருவருடைய ஆன்மிக பயணத்தில் முக்கிய வழிகாட்டியாகக் கருதினார்கள்.
மேலும்,
அவர்களின் தத்துவங்களில், நபி முஹம்மதுர் ரஸூலுல்லாஹி ஸல்லல்லாஹு அலைஹி வஸல்லம் அவர்களின் மரியாதை மட்டுமல்ல, அவர்களின் ஒளி உலகத்தையும் உள்ளத்தையும் சுத்திகரிக்கும் சக்தி கொண்டது என வலியுறுத்தப்படுகிறது.
முடிவு
இப்னு அதா உல்லாஹ் அவர்கள், தங்களின் சிந்தனைகள், எழுத்துகள், மற்றும் செயல்பாடுகளால் இஸ்லாமிய ஆன்மிக உலகில் மறக்க முடியாத அடையாளத்தைப் பதித்துள்ளனர்.
அவர்கள் வாழ்ந்த வாழ்க்கை, இறைநம்பிக்கை, தாராளம் மற்றும் மன அமைதியின் மாபெரும் உதாரணமாக விளங்குகிறது.
இப்னு அதாஉல்லாஹ் கத்தஸல்லாஹு ஸிர்ரஹுல் அஸீஸ் அவர்களின் சிந்தனைகள், ஸூபிசத்தின் மேல் அவர்கள் கொண்டிருந்த பற்றுதலையும்
நபி முஹம்மதுர் ரஸூலுல்லாஹி ஸல்லல்லாஹு அலைஹி வஸல்லம் அவர்களின் சிறப்பையும்,
அவர்களுடைய இறைபணிகளின் பரப்பையும் மிகத் தெளிவாக உணர்த்துகின்றன.
"நூரே முஹம்மதிய்யா" நபி முஹம்மதுர் ரஸூலுல்லாஹி ஸல்லல்லாஹு அலைஹி வஸல்லம் அவர்களின் ஆன்மிகப் பெருமை மற்றும் உலகிற்கு வழங்கிய ஈர்ப்பு சக்தி என்பதைக் குறிக்கிறது.
அல்லாஹ் மாத்திரமே உள்ளமையில் உள்ளான் என்பதையும், அவனைத் தவிரவுள்ள அனைத்தும் "வஹ்ம்" எனும் பேதமையை சார்ந்ததாகும்
என்பதே அவர்களின் ஞானத்தின் சாராகவும் இருந்தது.
தகவல்,நன்றி -- விக்கிபீடியா
https://ar.wikipedia.org/wiki
