நூரே முஹம்மதியா

 

*அந்நூறுல் முகம்மதியின் இரகசியம்* .

•••••••••••••••••••••••••••••••••••••••••••••••••

உருது மூலம்: 

அல்லாமா, முப்தி,ஹகீமுல் உம்மத் 

 *அஹ்மத் யார்கான்* .

றஹ்மத்துள்ளாஹிஅலைஹி 

தமிழில்: 

மௌலவி , பாஸில் ,

 *ஏ.எல். பதுறுத்தீன்* .

 ஷர்க்கி பரேலவி, ஸூபி, காதிரி.நக் ஷபந்தி.

••••••••••••••••••••••••••••••••••••••••••••.    { 7 }

 _றஸூலுள்ளாஹி ஸல்லல்லாஹு அலைஹி வஸல்லம்_ _"நூர்"  என்பதற்கான இஸ்லாமிய அறிஞர்களின் சான்றுகள் !_ 

***************************************

 றஸூலுள்ளாஹி ஸல்லல்லாஹு அலைஹி வஸல்லம்  றப்புத்த ஆலாவின் நூர்  என்பது,   முஸ்லிம் சமுகத்தில்  காலாகாலம் இருந்தே வரும் அகீதாவாகும், அதில் எவருக்கும் மாற்றுக்கருத்து இருக்க வில்லை,  உம்மத்திலுள்ள பெரியவர்களின் சில  கூற்றுக்களை  நமூனாவினடிப்படையில் முன்வைக்கின்றேன். படியுங்கள்! 

1-  ஹளறத் அப்பாஸ் றழியல்லாஹு அன்ஹு அவர்களின்  நபி புகழ் கவிதைகளை ஹதீதின் சான்றுகள் என்ற தலைப்பில் முன் வைத்துள்ளோம், அதில் றஸூலுள்ளாஹி ஸல்லல்லாஹு அலைஹி வஸல்லமவர்களை நூர் என்று குறிப்பிட்டுள்ளார்கள்,  அக்கவிதைகள் றஸூலுள்ளாஹி ஸல்லல்லாஹு அலைஹி வஸல்லமவர்களின் அவையில் அன்னாருக்கு முன்னாலேயே பாடப்பட்டவை  என்பதும், அதற்கு நபியவர்கள் எந்த ஒரு மறுப்பையும் கூறவில்லை என்பதும்  குறிப்பிடத்தக்கது ,

2- றஸூலுள்ளாஹி ஸல்லல்லாஹு அலைஹி வஸல்லமவர்களின் திருவதனம் சூரியனைப்போன்று பிரகாசிக்கும் என்ற ஹளறத் அபூஹுறைறா றழியல்லாஹு அன்ஹு அவர்களின் கூற்றை  முன்னுரையில் நாம் குறிப்பிட்டுள்ளோம்.

3- றஸூலுள்ளாஹி ஸல்லல்லாஹு அலைஹி வஸல்லமவர்களின் முபாறக்கான பல்லின் இடைவெளியிலிருந்து  ஒளி வெளிப்படுவது தெரியவரும் என்ற ஹளறத் அப்துல்லாஹ் இப்னு அப்பாஸ் றழியல்லாஹு அன்ஹுமா அவர்களின் கூற்றை  முன்னுரையில் குறிப்பிட்டுள்ளோம்.

4-  றஸூலுள்ளாஹி ஸல்லல்லாஹு அலைஹி வஸல்லமவர்களின் திருமுகம்  பதினான்காம் நாள்   முழுமதி போன்று இலங்கும் என்ற ஹளறத் ஹிந்து இப்னு அபீ ஹாலா றழியல்லாஹு அன்ஹு அவர்களின் கூற்றையும் முன்னுரையில் முன்வைத்துள்ளோம். 

5-  நீர்  அன்னாரைப் பார்த்தால் சூரியன்  உதிப்பது போன்று காண்பாய்!  என்ற ஹளறத் றபீஃ பின்து முஅவ்வித் றழியல்லாஹு அன்ஹா அவர்களின்  பொன்மொழியையும் முன்னுரையில் குறிப்பிட்டுள்ளோம்.

6-  ஹளறத் ஷைகுஅப்துல் ஹக் முஹத்திதுத் திஹ்லவி றஹ்மதுல்லாஹி அலைஹி மதாரிஜுன் நுபுவ்வத்  பாகம் 1. பக்கம் 118ல் கூறுகின்றார்கள்.

றஸூலுள்ளாஹி ஸல்லல்லாஹு அலைஹி வஸல்லமவர்களின் திருமேனி முழுவதும் ஒளியாகவே இருந்தது,  ஒளிக்கு நிழல் விழுவதில்லை.

7-  அல்லாமா முல்லா அலி காரி றஹ்மத்துள்ளாஹிஅலைஹி தங்களுடைய "மௌழூஆத்துல் கபீர்" என்ற நூல்  பக்கம் 86ல் கூறுகின்றார்கள்.

واما. نوره عليه السلام وهو في غاية من الظهور شرقا وغربا  واول  ما خلق الله نوره وسماه في كتابه نورا

றஸூலுள்ளாஹி ஸல்லல்லாஹு அலைஹி வஸல்லமவர்களின் நூர் எழுவானிலும், படுவானிலும் அதிஉச்சமாக இலங்கிக் கொண்டிருக்கின்றது, அல்லாஹுத்த ஆலா முதன்முதலில் அவர்களின் ஒளியைத்தான் படைத்தான், இன்னும் ,அல்லாஹுத்த ஆலா தன்னுடைய வேதத்தில் அன்னாரை நூர் என்று குறிப்பிட்டுள்ளான்.

8-  இதே அல்லாமா முல்லா அலி காரி றஹ்மத்துள்ளாஹிஅலைஹி தங்களுடைய மௌழுஆத்துல் கபீர்என்ற  இதே நூலில் இதே பக்கத்தில் குறிப்பிடுகின்றார்கள், 

قال الله تعالى الله نور السموات والارض على مثل نوره قلب محمد.

அல்லாஹுத்தஆலா கூறுகின்றான்,  அல்லாஹ் வானங்கள் மற்றும்  பூமியின் ஒளியாகும், அல்லாஹ்வின் ஒளிக்கு உதாரணம் முஹம்மத் ஸல்லல்லாஹு அலைஹி வஸல்லமவர்களின் கல்பாகும் 

9- இமாம் பூஸரி ரஹ்மத்துல்லாஹி அலைஹி  தங்களுடைய கஸீதா புர்தா ஷரீஃபில் கூறுகிறார்கள்.

فانك شمس فضل هم كواكبها 

يظهرن انوارها للناس في الظلم 

அல்லாஹ்வின் ஹபீபே!  தாங்கள் கருணையின்  கதிரவனாகும். ஏனைய நபிமார்கள் அன்னாரின் தாரகைகள் , அன்னாரின் ஒளி இருளிருக்கும் மக்களை வெளிபடுத்துகின்றது.

10-  இமாம் ஜலாலுதீன் ரூமி கத்தஸல்லாஹு ஸிர்ரஹுல் அஸீஸ் தங்களுடைய மஸ்னவி ஷரீபில் கூறுகின்றார்கள்.

اللہ کے نور کا سایہ بھی نور ہوتا ہے جو خدا سے دور ہو ان کا سایہ بھی دور ہے جو ہم کھاتے ہیں اس سے پلیدی نکلتی ہے جو حضور کاتے ہیں وہ سب خدا کا نور بنتا ہے 

அல்லாஹ்வுடைய நூறின் நிழலும் நூறாக ஆகிவிடுகிறது, அல்லாஹ்விடமிருந்து தூரமாக இருக்கின்றவையின் நிழலும் கூட தூரமாகவே இருக்கிறது ,நாம் சாப்பிடுபவைலிருந்து மலம் வெளிப்படுகிறது, ரசூல் ஸல்லல்லாஹு அலைஹி வஸல்லம் உண்பவை யாவும் அல்லாஹ்வின் நூறாக மாறிவிடுகிறது.

11- இமாம் அஹ்மத் இப்னு முஹம்மத் அஸ்கலானி கத்தஸல்லாஹு ஸிர்ரஹுல் அஸீஸ் மவாஹிபுல்லதுன்னியா ஷரீபில் பாகம் 1 பக்கம் 9, கூறுகின்றார்கள். 

قال الله تعالى يا ادم ارفع راسك فرفع راسه فراى نور محمد صلى الله عليه وسلم في سرادق العرش فقال  يا ربي ما هذا النور قال هذا نور نبي من ذريتك اسمه في السماء احمد وفي الارض محمد لولاه ما خلقتك ولا خلقت سماء ولا ارضا

ஆதமே!  தனது சிரசை உயர்த்துவிராக! என்று அல்லாஹ் கூறினான், அவர்கள் தங்களுடைய சிரசை உயர்த்தியதும்,  அர்ஷின் திரைச்சீலைகளில் ஓர் ஒளியைப் பார்த்தார்கள், எனது ரப்பே! இது எவ்வகையான ஒளி என்று கேட்டார்கள், இது உம்முடைய சந்ததிகளில் வருகின்ற ஒரு நபியின் ஒளி! அவரின் திருநாமம் வானத்தில் அகமது, பூமியில் முஹம்மத், அவர் இல்லையாயின், உம்மை நாம் படைத்திருக்க மாட்டோம், வானம், பூமியையும் கூட படைத்திருக்க மாட்டோம் என்று அல்லாஹ் கூறினான்.

12- இதே இமாம் அஹ்மத் இப்னு முஹம்மது கஸ்தலானி ரஹ்மத்துல்லாஹி அலைஹி அதே மவாஹிபுல்லதுன்னியா பக்கம் 8ல் கூறுகின்றார்கள்.

ان الله تعالى لما خلق نور نبينا محمد صلى الله عليه وسلم امره ان ينظر الى انوار الانبياء فغشهم  من نوره فانطق هم الله به فقالوا  يا ربنا من  غشينا نوره  فقال الله تعالي هذا نور محمد بن عبد الله ان امنتم به جعلتكم اانبياء 

அல்லாஹுத்தஆலா நபி கரீம் ஸல்லல்லாஹு அலைஹி வஸல்லம் அவர்களின் ஒளியைப் படைத்த போது, அனைத்து நபிமார்களின்  ஒளிகளைப் பார்க்குமாறு அந்த ஒளிக்குக் கட்டளையிட்டான்,  ரசூலுல்லாஹி ஸல்லல்லாஹு அலைஹி வஸல்லமவர்களின் ஒளியால் சகல ஒளிகளையும்அல்லாஹுத்தஆலா  மங்கவைத்து விட்டான்,  றப்புத்த ஆலா அவர்களைப்பேச வைத்ததும் , எங்களின் றப்பே!  எங்களை மங்க வைத்த ஒளி எது ?என்று நபிமார்கள் அனைவரும் கேட்டனர், இவர் முஹம்மத் இப்னு அப்துல்லாஹ் (ஸல்லல்லாஹு அலைஹி வஸல்லம்)ஆவார்,  இவரை நீங்கள் ஈமான் கொண்டால், உங்களை நபியாக ஆக்குவேன் என்று  றப்புத்த ஆலா கூறினான்.

13-  அல்லாமா ஸர்க்கானி றஹ்மத்துள்ளாஹிஅலைஹி  ஹளறத் ஜாபிர் றழியல்லாஹு அன்ஹு அவர்களின் ஹதீதுக்குரிய விளக்கத்தில் பின்வருமாறு கூறுகின்றார்கள்.

من نور ه اي من نور هو ذاته 

அல்லாஹுத்த ஆலா றஸூலுள்ளாஹி ஸல்லல்லாஹு அலைஹி வஸல்ல மவர்களை அவனுடைய தாத்தின் நூறிலிருந்து படைத்தான். 

14-  இமாம் அஹ்மது கஸ்தலானி மவாஹிபுல்லதுன்னியா ஷரீபில்  கூறுகின்றார்கள்.

لما تعلقت ارادة الحق تعالى بايجاد خلقه ابرز الحقيقة المحمدية من انوار  الصمدية في الحضرة الاحدية ثم  سلخ منها العوالمة كلها علوها وسفلها

அல்லாஹுத்தஆலா படைப்புகளைப்  படைக்க நாடிய பொழுது, சமதியத் என்ற  குறிப்பான தாத்து  ஹகீகத்துல் முஹம்மதிய்யாவை வெளிப்படுத்தியது, பின்னர், அதிலிருந்து அனைத்து மேலுலகம், கீழ் உலகம் வெளியானது .

15-  தலாயிலுல் கைறாத் என்ற சிறப்பான நூலின் விரிவுரையான மதாலிஉல் மஸர்ராத்  என்ற நூலில் பின்வருமாறு பதியப்பட்டுள்ளது

قد قال الاشعري انه تعالى نور ليس كالانوار وروح نبيه القدسية لمعة من نوره والملائكة اشرار تلك الانوار  قال صلى الله عليه وسلم اول ما خلق الله نور ي ومن  نور ي خلق كل شيء وغيره مما في معناه

இமாம் அபுல் ஹஸன் அஷ்அரி றஹ்மத்துள்ளாஹிஅலைஹி கூறுகின்றார்கள்.

அல்லாஹுத்தஆலா ஒளியாகும், ஆனால், ஏனைய ஒளிகளைப் போன்று அல்ல, இன்னும்,நபி ஸல்லல்லாஹு அலைஹி வஸல்லம் அவர்களின் சங்கையான நூர்  அந்த ஒளியில் ஒரு  பிரகாசமாகும், இன்னும், மலக்குகள் அந்த ஒளிகளின் பொறிகளாகும், ரசூலுல்லாஹி ஸல்லல்லாஹு அலைஹி வஸல்லம் அவர்கள் கூறினார்கள், முதன் முதலில் அல்லாஹ் என்னுடைய ஒளியைப் படைத்தான் ,இன்னும், என்னுடைய ஒளியிலிருந்து தான் அனைத்து வஸ்துக்களையும் படைத்தான்.

இவற்றுக்கு மேலதிகமாக இன்னும் பல ஹதீதுகள் இருக்கின்றன, அவை அனைத்தின் உள்ளடக்கமும் ஒன்றாகவே இருக்கின்றது.

16-  அல்லாமா ஷாஹ் அப்துல் ஙனி நாபுலிஸி றஹ்மத்துள்ளாஹிஅலைஹி தங்களுடைய  ஷறஹு தரீக்கத்துல் முஹம்மதியா என்ற நூலில் கூறுகிறார்கள். 

قد خلق كل شيء من نوره صلي الله عليه و سلم  كما ورد به الحديث الصحيح

அனைத்து வஸ்துக்களும் நபி ஸல்லல்லாஹு அலைஹி வஸல்லமவர்களின் ஒளியிலிருந்து தான் படைக்கப்பட்டன, இவ்வாறு ஸஹீஹான ஹதீதில் வந்துள்ளது.

                  மலரும்.....

Read More

தாய்லாந்தில் இருக்கும்

 

#தாய்லாந்தில்_இருக்கும்

#பிரசித்திபெற்ற 

#தர்கா_ஷெரீஃப்... 

தாய்லாந்துக்கான எனது முதல் பயணம் மிகவும் மறக்கமுடியாததாக இருக்கும் என்று நான் நினைக்கவே இல்லை. மேலும் இமாம் கஸ்ஸாலி (ரஹ்) அவர்களின் நினைவு நாளில் 

அவரது எழுத்துக்களுக்கு (கிதாபுகளுக்கு) விளக்கவுரைகளைத் தயாரித்து வெளியிட்ட 

#ஷேக்_அப்து_ஸமத்_அல்_ஃபாலிம்பானி (ரஹ்) அவர்களின் தர்கா ஸியாரத் செய்ய வாய்ப்பு கிடைத்ததில் நான் மிகவும் மகிழ்ச்சியடைகிறேன். 

தாய்லாந்து நேரப்படி இரவு 8 மணியளவில் ரப்பர் தோட்டத்தின் நடுவில் உள்ள தர்காவுக்கு எங்களை அழைத்துச் சென்று தர்கா அதிகாரிகள் உற்சாக வரவேற்பு அளித்தனர். 

கி.பி.1704 முதல் 1791 வரைதான் 

ஷெய்க் அவர்களின் ஆயுட்காலம்

மக்கா மற்றும் எமன் ஆகிய நாடுகளில் படித்த மகானவர்கள்

இமாம் கஸ்ஸாலி (ரஹ்) அவர்களின்

இஹ்யாவுக்கு

மலாய் மொழிப்பெயர்ப்பைத் தயாரித்தபோதுதான் பிரபலமானார்கள்.  

அதன் ஐம்பதுக்கும் மேற்பட்ட கையெழுத்துப் பிரதிகள் இன்று புழக்கத்தில் உள்ளன.  

அல்லாஹ் அவரது பதவியை (தரஜாவை) அதிகப்படுத்துவானாக.  

எமக்கு அவருடைய தர்கா ஜியாரத் செய்ய உதவியவர்களுக்கு உரிய மகத்தான கூலிகளை வழங்கியருள்வானாக

Read More

ஹலால் ஹராம்

 

#ஹலால்_என்றால்_திறக்கும்_உதடுகள் 

#ஹராம்_என்றால்_மூடிக்_கொள்ளும்!

நான் சிறுவனாக இருக்கும் போது என் தாய் என்னை அருகில் அழைத்து,

உதடுகள் ஒட்டாமல் ஹலால் என்று சொல் பார்ப்போம் என்றார்கள். நான் ஹலால் என்று சொன்ன போது என் உதடுகள் ஒட்டவில்லை.

மிகவும் மகிழ்ச்சியுடன் அம்மா என் உதடுகள் ஒட்டவில்லை" என்று நான் சொன்ன போது, என்னை கட்டியணைத்து முத்தமிட்டார்கள்.

"மகனே! இப்பொழுது உதடுகள் ஒட்டாமல் ஹராம் என்று சொல் பார்ப்போம்" என்றார்கள்!

நான் எவ்வளவோ முயன்றும் ஹராம் என்று, 

ம் ஐ சொல்லும் போது என் உதடுகள் ஒட்டிக் கொண்டன!

"அம்மா! எவ்வளவோ முயன்றும் என்னால் முடியவில்லை" என்று சொன்னேன்!

கலகல என சிரித்த என் தாய், இதுதான் மகனே ஹராமிற்கும் ஹலாலிற்கும் உள்ள வித்தியாசம் என்றார்கள்!

எப்பொழுதும் ஹலாலாக்கப்பட்டவை உனக்கு நன்மையின் வாசல்களைத் திறக்கும்!

இம்மை மறுமைக்கான எல்லா நன்மைகளையும் அது உருவாக்கும்!

மாறாக, 

ஹராமாக்கப்பட்டவைகள் உனக்கு நன்மை தரும் எல்லா வாசல்களையும் அடைத்து விடும்!

 உன் உதடுகள் எப்பொழுதும் ஹலாலானவற்றிற்காகவே திறந்திருக்கட்டும்!

ஹராமானவற்றை கண்டால் உன் உதடுகளை இருக மூடிக் கொள் என்றார்கள் என் அன்னை!

அதன் பிறகு, நான் ஏதாவது நல்லது செய்தால் உதடுகள் விரிய என்னை பார்த்து புன்னகைப்பார்கள்!

ஏதேனும் தவறு செய்தால் உதட்டை இருக்க மூடிக் கொண்டு கவலையுடன் என் அன்னை என்னைப் பார்ப்பார்கள்! இத்தகைய நிலையில் தான் நான் வளர்ந்தேன்.

நான் பெரியவனான பின்,

என் தாயார் மறைந்தார்கள்

அவர்களுக்கு கஃபனிட்ட பின் இறுதி முறையாக அவரின் முகத்தை பார்த்து நெற்றியில் முத்தமிட குனிந்தேன்.

அழகிய என் தாயின் முகம் உதடுகள் விரிய புன்னகைத்த நிலையில் கண்டேன்!

பொங்கி வரும் அழுகையை கட்டுபடுத்தியவனாக என் அன்னையின் நெற்றியில் முத்தமிட்டு,சொன்னேன!

“அம்மா! அல்லாஹ்வின் மீது சத்தியமாக நான் உறுதிமொழி எடுத்துக் கொள்கிறேன்!

மறுமையில் உன்னை சந்திக்கின்ற வரை நான் ஹராம், ஹலால்களை பேணி நடப்பேன்.”

ஆம்!. ஒரு தாய் தன் உதிரத்தை பாலாக்கி தன் குழந்தைக்கு புகட்டும் போதே அவனுக்கு #ஹலால் எது? #ஹராம் எது? என்பதை எளிய முறையில் கற்றுக் கொடுத்தால் அவன் தலை சிறந்த மூஃமினாக திகழ்வான்.

ஒரு குழந்தைக்கு அனைத்தையும் கற்றுக் கொடுக்கும் முதல் ஆசான் தாய்தானே.

அரபியில்:-அஷ்ஷைக் முஹம்மது ராத்திப் அன்னாபிலிஸி

Read More

4 பறவைகள் பற்றி

 

கொழும்பு பெரிய பள்ளிவாசலின் இன்றைய (06/12/24) ஃகுத்பாவிலிருந்து:

ஃகதீப்: அல் உஸ்தாத் அல் ஆலிம் அஹ்மத் (மஹ்ழரி) [அதிபர்- அஜ்வாத் அல் ஃபாஸி அரபுக்கல்லூரி, கொழும்பு 12/ பிரதம இமாம்- உம்மு ஸவாயா, கொழும்பு 12/ பிரதம ஃகதீப்- கொழும்பு பெரிய பள்ளிவாசல்]

தொகுப்பு: அஸீம் ழாஹிர், கொழும்பு.

****************************************************

"ஃகலீலுழ்ழாஹ் இப்ராஹீம் அலைஹிஸ்ஸலாம் அவர்களின் வாழ்க்கையில் நிறைய படிப்பினைகளும், முன்மாதிகளும் உள்ளன" என்று குர்ஆனும், ஹதீஸ்களும் பல இடங்களில் பிரஸ்தாபிக்கின்றன.

"இந்த தீனுல் இஸ்லாம் கூட உங்கள் தந்தையாகிய இப்ராஹீம் அலைஹிஸ்ஸலாம் அவர்களின் மார்க்கமாகும். அவர்தான் இதற்கு முன்னர் உங்களுக்கு முஸ்லிம்கள் என்று பெயரிட்டவர்" என்று அழ்ழாஹ் குர்ஆனில் கூறுகிறான். ரஸுல் ஸல்லழ்ழாஹு அலைஹி வஸல்லம் அவர்களும், "எனது தந்தை இப்ராஹீம் அலைஹிஸ்ஸலாம்" என்று பல சந்தர்ப்பங்களில் புகழ்ந்துள்ளார்கள். மிஃராஜில் ரஸுல் ஸல்லழ்ழாஹு அலைஹி வஸல்லம் அவர்கள் ஒவ்வொரு வானத்தையும் கடந்து செல்லும்போது சந்தித்த அன்பியாக்கள், ரஸுல்மார்கள், "நல்ல நபியே, நல்ல மனிதரே வருக!" என்று அழைக்க இப்ராஹீம் அலைஹிஸ்ஸலாம் அவர்கள் மட்டும்தான், "நல்ல நபியே, நல்ல மகனே வருக!" என்று வரவேற்றார்கள்.

ரஸுல் ஸல்லழ்ழாஹு அலைஹி வஸல்லம் அவர்களின் உம்மத்தினராகிய நாம் செய்யக்கூடிய மீசையைக் கத்தரித்தல், தாடியை வளர்த்தல், மறைவிட முடிகளை அகற்றுதல், நகங்களை வெட்டுதல், ஃகத்னா செய்தல் யாவும் இப்ராஹீம் அலைஹிஸ்ஸலாம் அவர்கள் காட்டித்தந்த சுத்தங்களில் உள்ளதாகும்.

மௌத்தானவர்களை/வைகளை மீளுயிர்ப்பிக்கும் அழ்ழாஹ்வின் அதி சக்திவாய்ந்த ஆற்றலை நேரடியாகக் கண்டு உள்ளம் நிம்மதி, அமைதி பெற விரும்பினார்கள் இப்ராஹீம் அலைஹிஸ்ஸலாம் அவர்கள். அழ்ழாஹ், இப்ராஹீம் அலைஹிஸ்ஸலாம் அவர்களுக்கு சில விடயங்களை செய்யுமாறுக் கட்டைளையிட்டான்.

இப்ராஹீம் அலைஹிஸ்ஸலாம் அவர்கள் 

முதலில் நான்கு பறவைகளைப் பிடித்து அவற்றை அறுத்துப் பல துண்டுகளாக்கினார்கள். அவற்றின் இறக்கைகளைப் பிய்த்துப் பல பாகங்களாகக் கிழித்தார்கள். பின்னர் நான்கு பறவைகளின் கூறுகளையும் ஒன்றாகக் கலந்தார்கள். அதன்பின் அவற்றைப் பல கூறுகளாகப் பிரித்து ஒவ்வொரு கூறையும் ஒவ்வொரு மலையில் வைத்தார்கள்.

பின்னர் அழ்ழாஹ்வின் கட்டளைப்படி அவற்றை அழைத்துவிட்டு அவை எப்படி உயிர் பெற்று வருகின்றன என்பதை பார்க்கலானார்கள். உடனே அப்பறவைகளின் இறக்கை, இரத்தம், சதை உள்ளிட்ட பாகங்கள் வேறு மலையிலிருந்த அவற்றின் மற்றப் பாகங்களை நோக்கிப் பறந்துச் சென்று, அவற்றுடன் இணைந்துக் கொண்டன. இறுதியில் ஒவ்வொரு பறவையும் உயிர் பெற்றுத் தனித்தனியாக அவர்களிடம் நடந்து வந்தன.

அந்த நான்கு பறவைகள் எவை என்பது தொடர்பாக முஃபஸ்ஸிரீன்களிடையே கருத்து வேறுபாடு காணப்படுகிறது. சில முஃபஸ்ஸிரீன்கள் "மயில், கழுகு, சேவல், காகம் ஆகிய நான்கும்தான் அந்த பறவைகள் என்று எழுதி விட்டு அந்த நான்கு பறவைகளிடம் உள்ள நல்ல குணங்களை மனிதர்களாகிய நாம் எடுத்து நடப்பதுடன் அவைகளிடம் உள்ள கெட்ட குணங்களை நாம் தவிர்ந்த நடக்க வேண்டும் என்பதையே அழ்ழாஹ் சூட்சுமமாக தெளிவுபடுத்துகிறான்" என்று குறிப்பிட்டுள்ளார்கள்.

நல்ல குணங்கள்:

மயில்- பத்தினித்தனம், நல்லதை உண்ணுதல்

கழுகு- கவலை, நேசித்தல்

சேவல்- அதிகாலையில் எழுப்(ம்)புதல்

காகம்- கூட்டாக உண்ணுதல், மரணத்தில் கலந்துக் கொள்ளுதல்.

கெட்ட குணங்கள்:

மயில்- பெருமை, மேலெண்ணம்

கழுகு- கர்வம், அநியாயத்தை விரும்புதல்

சேவல்- இச்சை, சண்டையை விரும்புதல்

காகம்- அசுத்தமானவைகளை உண்ணல், அசுத்தம் செய்தல் 

மேற் சொல்லப்பட்ட இரு வகையான குணங்களையும் சம காலத்து முஸ்லிம் உம்மத்தின் வாழ்வுடன் தொடர்புப்படுத்தி ஃகுத்பாவை அழகாகக் கொண்டுச் சென்ற ஃகதீபின் திறமை பாராட்டுக்குரியது! சிறப்பாகத் தொகுக்கப்பட்ட ஃகுத்பாவை, கம்பீரமான பேச்சு, நல்ல குரல்வளம், அழகான தமிழ் உச்சரிப்புகளுடன், நேர முகாமைத்துவத்தையும் பேணி நிகழ்த்திய அல் உஸ்தாத் அல் ஆலிம் அஹ்மத் (மஹ்ழரி) ஹஸ்ரத் அவர்களின் அறிவிலும் ஆயுளிலும் அழ்ழாஹ் பரக்கத் செய்யட்டும்!

Read More

முதலாவது பிரசங்கம்

 

முதலாவது பிரசங்கம்

ஹிஜ்ரீ 545 ஆம் வருடம் ஷவ்வால் மாதம் பிறை 2-ல் ரூபாத் என்னுமிடத்தில் கௌதுல் அஃலம் அவர்கள் செய்த உபந்நியாசம்.

(இறைவன் ஏற்படுத்திய 'விதி'யை பொருந்திக் கொள் வது சாலச்சிறந்தது. அல்லாஹ் விதித்த விதியின் மீது கேள் விக்கணை தொடுப்பது மார்க்கக் கொலையாகும்; தௌஹீதை மரணிக்கச் செய்வதாகும்; இக்லாஸை அழித்தொழிப்ப தாகும். மூமினின் உள்ளமோ ஏன், எதற்கு, என்ற கேள்வியைக் கேட்பதில்லை. அதன் கொள்கையோ "கட்ட ளைக்கு மனப்பூர்வமாகப் பணிவதும், அந்தராத்மாவு (நப்ஸு) க்கு மாறு செய்வதுமேயாகும்''.) ஏனெனில் நப்ஸு எனப்படுவது அது உச்சி முதல் உள்ளங்கால் வரை தீமை நிறைந்தது; அதைச் சீர்திருத்த விரும்புபவர் அதனுடன் போராடி அதன் தீமையை விட்டும் தற்காத்துக் கொள்ள வேண்டும். அதனுடன் போராடி வெற்றி காணும்போது கீழ்க்காணும்படி நீ புரிந்து கொள்வாய். அது உச்சி தொடுத்து உள்ளங்கால்வரை நலமானது; உன் வழிபாட்டில் உன்னோடு அது ஒத்துழைக்கும். பாவத்தை விட்டு விடுவதிலே உன் நண்பனாகும்.அப்போது "முக்திபெற்ற ஆத்மாவே! மனத் திருப்தியுடனும் மகிழ்ச்சியுடனும் நீ உனது இறைவனிடம் மீளுவாயாக என்று ஓர் அசரீரி வாக்கு வரும். இப்பொழுது அதனின் அபிலாசைகள் யாவும் நிறைவேற்றிக் கொடுக்கப் படும், அதன் தீமைகள் நீங்கிவிடும். படைப்புப் பொருள் களில் ஏதாவதொன்றோடு மட்டும் அது தொடர்பு கொண் வரையறைக்குட்படாமல் எல்லாப் பொருள்களும் அதனோ தொடர்புக் கொண்டு நப்ஸோடு இணைந்தவைகளாகி விடு கின்றன. அதனால் தான் அதை இப்ராஹீம் நபியவர்களின் பக்கம் இணைப்பதும் பொருத்தமாகும். அவர்கள் நப்ஸின் ஆட்சி அதிகாரத்தை விட்டும் நீங்கியவர்கள். மனோயிச்சை யின் அடிமைத்தளைகளை விட்டும் உரிமை பெற்றவர்கள். அதனால் தான் அவர்கள் உள்ளம் அமைதி பெற்றது. எல்லோரும் அவர்களுக்கு பணியத் துணிந்ததோடு உத விக்கும் முன்வந்தார்கள். அவர்களது உதவியை ஏற்றுக் கொள்ளாது நீங்கள் உங்களுக்காக உங்களது இறைவ னிடம் உதவி தேடிக் கொள்ளுங்கள்; என் இறைவன் என் நிலையை அறிந்தே இருக்கிறான். நான் யாரிடமும் உதவி கோரவேண்டிய தேவை என்ன இருக்கிறது?" என்று கூறி விட்டார்கள். அவர்களது நம்பிக்கை (தவக்கல்) சரியான உறுதி வாய்ந்தது என்று ஆனபோது பின்வருமாறு கூறப் பட்டது. "நெருப்பே இப்ராஹீம் மீது குளிர்ந்து அவரது ஆரோக்கியத்திற்கு காரணமாய் அமைந்துவிடு." பொறுமையாளர்களுக்கு இவ்வுலகிலும் அல்லாஹ்வின் உதவி அளவற்றதாயிருக்கிறது; அவ்வுலகிலும் அவனது அருள் எல்லையற்றதாயிருக்கிறது. இறைவன் கூறுகிறான்:- நான்

பொறுமையாளர்களுக்கு அளவற்ற நற்கூலி வழங்குவேன்.

அதற்காகச் சிரமங்களைத் தாங்கிக் கொள்பவர்கள் எத் தகைய சிரமங்களைச் சகித்துக் கொண்டிருந்திருப்பார்கள் என்பது அல்லாஹ்வுக்கு தெரியாத விஷயமல்ல. ஒரு வினாடியேனும் நீங்கள் அச்சிரமங்களின் மீது பொறுமை செய்தால் பல்லாண்டு காலம் அவனின் அன்புக்கும் அருளுக்கும் அருகதையுடையவர்களாவீர்கள். ஒரு மணி நேரம் பொறுமை கொள்வதும் வீரத்தன்மையாகும். அல்லாஹ் பொறுமையாளர்களுடனே யிருக்கிறான். அதாவது அவன் உதவியும் ஈடேற்றம் அளிப்பதும் அவர்கள் பக்கமே இருக் கின்றன.

நீங்கள் அவனோடு பொறுமைகொள்ளுங்கள். அதற்கு காக விழிப்புணர்ச்சியடையுங்கள்; அதில் அசட்டை செய்யா தீர்கள். மரணத்தின்பின் விழிப்புணர்ச்சி பெற நினையாதீர் கள். அந்நேரம் விழிப்புணர்ச்சி அடைவது யாதொரு பய னும் தராது. மௌத்து வருவதற்கு முன்னாலேயே உஷா ராகிவிடுங்கள்; உங்களின் இஷ்டமில்லாமலே உணர்வு கொடுத்து எழுப்பு முன்பே விழிப்புணர்ச்சி பெற்றுவிடுங்கள். அந்நேரம் கைசேதப்படுவீர்கள். அங்கே உங்கள் கைசேதம் யாதொரு பிரயோஜனத்தையும் தராது. உள்ளங்களைச் சீர்திருத்துங்கள். அவைகள் சீர்திருந்தி விட்டால் எல்லாமே சீர்திருந்திவிடும். அதனால்தான் நபிகள் (ஸல்) திருவுள மானார்கள் : ஆதமுடைய மகனின் சரீரத்துள்ளே ஒரு சதைக் கட்டி உண்டு. அது சரிப்பட்டால் உடல் முழுவதும் சரிப்பட்டு விடும். அது கெட்டால் உடல் முழுவதும் கெட்டுவிடும். அது தான் ஹிருதயம். ஹிருதயம் பயபக்தியால் சீர்திருந்துகிறது, அல்லாஹ்வின் பேரில் நம்பிக்கையாலும் தௌஹீதில் நிலையாக தரிப்பட்டிருப்பதாலும் சீர்திருத்தம் பெறுகிறது. மேலும் நல்ல அமல்களாலும் இக்லாஸாலும் சீரடைகிறது. மனம் கெட்டு விடுவது எவ்வாறு? இத்தன்மை களை இழந்துவிடுவதால்தான்.

மனம் என்பது ஒரு பறவை; சிப்பிக்குள் மறைத்து வைத்திருப்பது போன்றும், செல்வத்தைக் கஜானா விற்குள் பூட்டி வைத்திருப்பது போன்றும் மனப்பறவையை உடல் என்ற பஞ்சாரத்தில் கைதியாக்கப்பட்டது என்றால், கவனம் பறவையின் மீது இருக்கவேண்டுமே தவிர பஞ்சா ரத்தில் இருக்கக் கூடாது. கவனம் முத்தின் மீது இருக்க வேண்டுமே தவிர சிப்பியில் இருக்கக் கூடாது. கவனம் செல்வத்தின் மீது இருக்கவேண்டுமே தவிர கஜானாவின் பலகைக் கதவுகளில் அல்ல. (நம் கவனத்தை மனப்பறவை யில் செலுத்த அல்லாஹ் நல்லருள் புரிவானாக.ஓ இறைவா!) எங்கள் உடல் உறுப்புக்களை உன் வழிபாட்டில் திருப்பு

வாயாக, எங்கள் ஜீவிய காலமெல்லாம் எங்கள் உள்ளங் களில் மெய்ஞ்ஞானத்தை நிரப்பி அருள்புரிவாயாக, நல்லோர் வழிநடத்தி, நாங்களும் அவர்கள் அடைந்த நற்பாக்கியங் களை அடைய அன்றுபோல் என்றும் துணையிருப்பாய். அல்லாஹ்வே!

சமுதாயத்தவர்களே! முற்கால ஸாலிஹான மனிதர்கள் முற்றிலும் அல்லாஹ்வுக்காக ஆகிவிட்டதைப் போன்று நீங்களும் அல்லாஹ்வுக்காக ஆகிவிடுங்கள். அவன் அவர் களுக்கு ஆகியிருந்ததைப்போல் முற்றிலும் அவன் உங்களுக் காக ஆகிவிடுவான். இறைவன் உங்களுக்காக ஆகிவிட வேண்டும் என்று நீங்கள் விரும்பினால் அவனுக்கு இபாதத் செய்வதிலே ஈடுபடுங்கள். அவன் கொடுத்த சிரமங்களைச் சகித்துக்கொண்டு, அவன் செயல்களை மகிழ்வோடு ஏற்றுக் கொள்ளுங்கள். அச்செயல்கள் உங்களுக்கோ அல்லது மாற்றா ருக்கோ வேதனையும் சோதனையுமாக இருந்தாலும் சரியே.

இந்த ஸாலிஹான சமூகத்தினர் யார் என்றால் அவர்கள் உலகப்பற்றற்றவர்கள். தங்கள் தலைவிதியை தக்வா (பய பக்தி) பரிசுத்த தன்மையால் கைவசமாக்கியவர்கள்; பின்னர் மறுஉலக வாழ்வை நாடினார்கள். அதாவது அதை ஒழுங்கு படுத்த நற்செயல்கள் புரிந்தார்கள். மனோயிச்சைக்கு மாறு செய்து தங்கள் இரக்ஷகனுக்கு வழிபட்டார்கள். தங்களைத் திருத்தியபின் பிறரைச் சீர்திருத்தத் தயாரானார்கள்.

அருமை மகனே! முதலில் உன்னைத் திருத்திக்கொள். பின்பு பிறரைத் திருத்த தயாராகிக்கொள். உன் குணங்கள் மற்றவர் குணங்களைக் கெடுத்துவிடாதவாறு எச்சரிக்கையா யிருந்துகொள் உன்னைச் சீர்படுத்திக்கொள்ளாதவரை அவைகள் உன்னிடமே இருக்கட்டும். நீ குருடனாகயிருந்து கொண்டு, மற்றவர்களுக்கு வழிகாட்ட முடியும் என்று எண்ணுகிறாயே, அது மிகவும் கைசேதமான விஷயம். குரு டன் மற்றவர்களுக்கு எப்படி நேர்வழிகாட்ட இயலும்? பாதை காட்டுபவன் கண்பார்வையுடையவனாக இருப்பது அவசியம்.

கடலில் மூழ்குபவர்களைக் காப்பாற்றும் பணி கரைசேர்க்க பயிற்சி பெற்ற நிபுணனையே சாரும். உலகப்பற்றைத் துறக்கச் செய்து மக்கள் மனதை அல்லாஹ்வின் பக்கம் திருப்புவது யார் வேலை? ஆரிப் வலிய்யுல்லாக்களின் வேலை ஞானமற்ற பாமரன் எப்படி வழிகாட்டியாக முடியும் அல்லாஹ்வின் பக்கம் உன்னைத் திருப்புவதற்கு அதிகமாகச் சொல்லவேண்டிய தேவையுமில்லை. நீ எப்பொழுது அவனை முஹப்பத் வைக்கிறாயோ அவனல்லாதவனைத் தவிர்த்து அவனுக்காக அமல் செய்வதவசியம். அவனையே பயப்பட வேண்டும். அவனல்லாதவனுக்கு அஞ்சக்கூடாது. இவ்விஷ யம் மனதால் ஏற்படக் கூடிய நாவன்மை, சொல்லாற்றலால் அல்ல. இவ்விஷயம் ஒன்றாகும் தனிமையால் உண்டாகும். பொது மேடையில் அல்ல. தௌஹீது உள்ளத்தின் கதவரு கில் நின்றுவிட்டு ஷிர்க்கு உள்ளத்தின் உள்ளே நுழைந்து விடும்போது இதுவே முற்றிலும் நிபாக் என்பதை ஞாபகத் தில் வைத்துக்கொள். உன் வாயில் துதிப்பாடலும் உள்ளத் தில் கபடமும், நாவு நன்றி நன்றி என்றுரைக்க இதயத்தில் நன்றி மறந்த திருடனுக்கு இடமளிப்பதும் (உன்மீது) வருந் தத் தக்க விஷயமாகும். ஹதீதே குதுஸியில் இறைவன் கூறு கிறான்: ஆதத்தின் மகனே! உன்பக்கம் என் நன்மைகள் இறங்கிக்கொண்டிருக்கிறது. ஆனால் உன்னுடைய தீமை -கள் மேல் நோக்கி என் பக்கம் வருகிறது.

நீ அல்லாஹ்வுக்கு அடிபணிகிறவன் என்று சொல்லிக் கொண்டு மற்றவைகளை வணங்குவதற்கு தலைசாய்க் -கிறாயே அது வருந்தத்தக்க விஷயம். நீ உண்மையில் அவனு டைய அடியானாகவிருந்தால் உன்னுடைய விருப்பு வெறுப் பான எல்லாச் செயல்களின் அஸ்திவாரமும் அவனுடைய வழிபாட்டில் அமைந்திருக்கவேண்டும். நேர்மையான மூமினான மனிதன் தனது சாவாத்மாவான கெட்ட ஷைத்தா னுக்கு ஒருபோதும் வழிபடமாட்டான். அவன் அந்த ஷைத் தானையே தன் வழிக்குக்கொண்டு வந்து விடுகிறான். அவன் உலகத்தின் கண் இழிவடைந்தவனாக ஆகமாட்டான்.

அவன் உலகை தன் முன் மண்டியிடச் செய்துவிடுகிறான். அவன் துன்யாவின் மூலம் ஆகிரத்தை தேடக்கூடியவன கிறான். ஆகிரம் கிடைத்துவிடும்போது துன்யாவைவிட்ட விடுகிறான். அந்தமும் ஆதியும் இல்லா ஜோதியான தன் இறைவனைச் சந்திக்கும் ஆசையுடையவனாயிருக்கிறான். அவன் எந்த நேரமும் கலப்பற்ற உள்ளத்தோடு அவனுடைய இபாதத்தில் மூழ்கிக் கிடக்கிறான்: அவன் தனது எஜமான னின் "வமாஉமிரூ இல்லா லி யஃபுதுல்லாஹ முக்லிஸீன லஹுத் தீன ஹுனபாஅ 98-5 என்ற சொல்லில் கவனம் செலுத்துகிறான். தர்ஜுமா (பொருள்) அவர்களுக்குக் கட்டளை இடப்பட்டது இதுதான்; கலப்பற்ற உள்ளத்தோடு அவனுடைய இபாதத்தில் ஓர்மையுடன் முழுக்கவனம் செலுத்தவேண்டும். அல்லாஹ்வுடன் படை பொருள்களை இணைவைப்பதை விட்டுவிடவேண்டும். அனைத்து வகை யும் படைத்தாளும் சர்வ வல்லமையுள்ள நாயனுக்கு மட்டுமே தலைவணங்க வேண்டும். அவன் கைவசமே சர்வ வஸ்த்துக் களும் இருக்கின்றன. அவ்வாறிருக்க மற்றவர்களிடத்தில் பொருள் வேண்டுபவனைப் பற்றி நீ என்ன நினைக்கிறாய். அந்த உண்மை எஜமானனின் கஜானாவில் இல்லாத பொருள் எந்தப்பொருள்? அவனே கூறுகிறான்: "வ இ(ன்)ம்மின் ஷையின் இல்லா இந்தனா கஜாயினுஹு" 15-21 நம்முடைய கருவூலத்தில் கிடைக்காத பொருளே கிடையாது.

குழந்தைகளே! நீர் விழுந்தும் பின் நிழலை வாசஸ்தல மாக்கிக் கொள்ளுங்கள். பொறுமையை தலையணையாக்கிக் கொள்ளுங்கள்.தலைவிதிப்படி நடப்பதை கழுத்துமாலை யாக்கிக் கொள்ளுங்கள். ரஹ்மத்தைக் கவர்ந்திழுக்கும் கருத்தோடு இபாதத் செய்துகொண்டே செல்லுங்கள். இந் நிலை நீடிக்கும்போது விதிவசம் என்ற வானிலிருந்து உன் நம்பிக்கை என்ற நஞ்சையில் அருள் மாரி பொழிந்தருள ஆரம்பிக்கும்.

சமுதாயத்தவர்களே! தலைவிதியை நம்புங்கள்: அந்த நம்பிக்கையில் அப்துல் காதிர் (ஜீலானி) உடன் ஒத்துழைப்பு நல்குங்கள். அந்த ஒத்துழைப்பே அப்துல் காதிரை இறை வனுடன் சந்திக்கவைக்கும். மனிதர்களே! இறைவன். கட்டளைக்கு அடிபணியுங்கள். உங்களின் புற அக இரகசியங் களை அவன் நாட்டத்தின் முன் தலை குனியச் செய்யுங்கள். தக்தீர் (தலைவிதி) என்றால் என்ன? அந்த அரசனின் தூது வனாகும். அந்த தூதுவனுக்கு மதிப்பும் மரியாதையும் கொடுப்பது நமது கடமையாகும். இவ்வாறு நாம் செய்யும் போது தூதுவனே நாம் நாடும் இடத்திற்குச் சேர்த்து வைப் பான். விதியே இறைவன் சந்நிதானத்தில் நமக்கு மேன்மை கிடைக்கவைக்கும்.

"பஹுனாலிகள் வலாயத்து லில்லாஹில் ஹக்கி " 18-44 மேலும் அங்கு இறைவனின் ஆட்சி மட்டுமே உண்டு. அவனின் ஞானக்கடல் நீரைப்பருக உனக்கு கோப்பை தயார் செய்யப்படும். அவனின் அருள் பொங்கும் ஸுப்ரா (விரிப்பு) வில் உன் முன்னே, புசிக்க நிஃமத்துக்களை வைக்கப்படும். அவனின் அன்பு உன்னை போர்த்திக் கொள்ளும். இந்த பெரும் சீதேவித்தன்மை எல்லோருக்கும் கிடைக்கப் போவ தில்லை. லட்சத்திலே கோடியிலே யாரோ ஒருவருக்குத் தான் கிடைக்கும்.

அடியானே! பரிசுத்தத்தையும் பயபக்தியையும் நீ, தனது சேவையாக ஆக்கி கொள்வது அவசியம், அந்த தக்வா இறைவன் வகுத்த சட்ட வரம்பை மீறாதிருத்தல் அவசியம். மனம் போனபோக்கும் மனோயிச்சைக்கு அடிமையாவதும் கூடாது. ஷைத்தானைப் பின்பற்றுவதை விட்டும் முகம் திருப்பிக் கொள்ள வேண்டும். தீய சகவாசங்களை விட்டொழிக்க வேண்டும். மூமின் யார் என்றால், இவை

அனைத்துடனும் அவன் போராடுவான். குதிரையை விட்டுக்

கீழே இறங்காமலும் வாளை உறையில் போடாமலும் அவன்

போராடிக் கொண்டேயிருப்பான். அவனது தூக்கம் சிறு

தூக்கம் தூங்குபவர்களின் தூக்கத்தைப் போன்றது. 

அவன் உணவு பசித்திருத்தலாகும். அவனது பேச்சு மௌனமாகும். அதிகமௌனத்தினால் மூமினானவர்கள் ஊமை எனப்பிரசித்த மடைந்திருக்கின்றனர். உண்மையில் அவர்கள் ஊமைகள் அல்ல அவர்கள் பேசுகிறார்கள். எப்போது? எப்பொழுது கிறானோ அப்போது அவர்களைப் பேசவைக்கப் படுகிறது. அவர்களது பேச்சுக்கு உதாரணம் கியாமத் நாளையில் மனிதர்களின் கை கால், கண்கள் பேசுவதைப் போன்ற தாகும். அதாவது அவர்களைப் பேசவைக்கப்படும் போது பேசுகிறார்கள். மரம், கல், மலைகள் (வாய்மொழி பேசாது ) மௌன மொழியால் பேசுவது போன்று அவர்கள்

பேச்சிருக்கும்.

இறைவன் அவர்களிடத்தில் ஒரு வேலை வாங்க நாடு கிறான். அந்த வேலை தான்:- அடியார்களின் செயல்களின் நன்மை தின்மை பலா பலன்களை அவர்களுக்கு அறிவிக்கச் செய்வது. முழுக்கவனம் செலுத்த வேண்டும் என்பதற்காகச் செய்தியை மட்டும் அவர்களுக்குத் தெரிவிப்பது போதாது. அவர்களின் முன் ஆதாரங்களை எடுத்துரைக்க வேண்டும். இந்த விஷயங்கள் தான் நபிமார்களும் ரஸூல்மார்களும் அஸ்திவார மிட்டவைகளாகும். பின் அவர்கள் காட்டிச் சென்ற வழியில் உலமாவான அறிஞர்களும் சீர்திருத்தக் கூட்டத்தினர்களும் எழுந்தருளி தாங்களும் நற்கருமங்கள் செய்து கொண்டு மக்களின் சீர்திருத்தமென்னும் படகையும் ஓட்டிச் சென்றார்கள். அச்சீர்திருத்தவாதிகள் தான் பிரதி நிதிகள் என அழைக்கப்பட்டார்கள். நபிபெருமானவர்கள் மலர்ந்தருளிய "அல்உலமாஉ வரதத்துல் அன்பியாயி உலமாக்கள் நபிமார்களின் வாரிசுகள், என்பதற்கு இதுதான் கருத்து. மனிதர்களே! அல்லாஹ்வின் (நிஃமத்) அருள் கொடைகளின் மீது நன்றி செலுத்துங்கள். பாக்கியங் களெல்லாம் அவனிடமிருந்து வருகின்றன என்று உறுதி கொள்ளுங்கள். அல்லாஹ் கூறுகிறான். "வமா பிக்கும் மின் நிஃமத்தின் பமினல்லாஹி" உங்களை வந்தடையும் ஒவ்வொரு நிஃமத்துக்களும் இறைவன் புறத்திலிருந்து வருவதே.

நிம்மதியற்ற மனிதர்களே! நீங்கள் அவன் அருள் கொடைகளைப் பெற்றுக் கொண்டு அறியாதவர்களைப் போலும், நன்றி மறந்தவர்களாயும் இருக்கிறீர்கள். மேலும் அந்த அருள் கொடைகளை மாற்றார் கையிலிருந்து பெற்றுக் கொண்டதாகக் கூறிக்கொள்கிறீர்கள். சில ருந்து பெற்றுக்ற் நிஃமத்துக்களைக் கொஞ்சம் என்று எண்ணமிட்டும் உங்களின் தகுதிக்கு மேல் அதிகமாகத் தேடக் கூடியவர்களாயும் இருக்கிறீர்கள். சிலசமயம் அந்த நிஃமத்துக்களால் பாவ மான காரியங்களைச் செய்ய உதவி தேடிக்கொள்கிறீர்கள்.

என் மதிப்பிற்குரியவர்களே! உலகத்தில் நிகழும் புரட்சிகளை விட்டு ஒதுங்கி அவரவர் செய்த செயல்களைக் கணக்கிட்டுப் பாருங்கள். அதனால் நீங்கள் பாவங்களை விட்டு நீங்க ஆசை பிறக்கும் என்ற நம்பிக்கை ஏற்படும். சிந்தனைக் கண்ணோட்டத்தோடு தங்களது நிலைமைகளை ஆராயுங்கள்.அதனால் உங்களைப் படைத்தவனது கருணைக் கண்பார்வை உங்கள் மீது வெளியாகும். மேலும் அவனது சக்தி எல்லாச் சமயங்களிலும் உங்களுக்குக் கட்டாயத் தேவை என்ற அளவுக்கு நீங்கள் அவனது தேவையுடையவர்களாக யிருக்கிறீர்கள் என்பதும் உங்களுக்குத் தெரியவரும். நீங்கள் ஜமாஅத்தை விட்டும் பிரிந்திருந்தாலும் சரி அல்லது தனித் திருந்தாலும் சரி, அந்த நப்ஸே அம்மாராவுடைய இச்சை களுடனே பயங்கரப் போராட்டம் நடத்த வேண்டியதிருக்கும் என்று உங்களுக்குத் தெரிந்திருக்கும். பொதுமக்கள் சறுக்கி விழுவதால் நாசமடைகிறார்கள் என்றால் துறவிகள் சிறிதளவு பின் பற்றுதலாலும் நாசமடைகிறார்கள். அப்தால்கள் கவலை யாலும் தனிமையில் மன ஊசலாட்டங்களாலும் அழிவை அடைகிறார்கள். ஸித்தீக்கீன்களின் கேடு மனப்பக்குவத்தில் கவனம் செலுத்தும்போது சில வினாடிகளில் நிகழ்ந்து விடு கிறது. ஏனென்றால் இவர்களின் சுகஸ்தலம் பாதுஷாஹ்வின் தலைவாயிலாகும். மக்காமே தஃவத் என்பது அவர்கள் இருப்பிடமாகும். இவர்கள் இறை ஞானத்தின் பால் மக்களை அழைக்கிறார்கள். அவர்கள் உள்ளங்களை நோக் கிப்பேசுகிறார்கள்:- ஹிருதயங்களே! ஆத்மாக்களே!

நாடக் கூடியவர்களே!பாதுஷாஹ்வின் தர்பாருக்கு வாருங்கள். விரைந்து வாருங்கள்; மனநிம்மதியோடு வாருங்கள். தக்வா (பயபக்தி) என்ற பாதத்தோடு வாருங்கள். ஏகத்துவக் கொள்கை, இறை ஞானத்தோடு வாருங்கள் பக்தி என்ற பெரும் காணிக்கையுடன் வாருங்கள். ஆசையற்ற காணிக்கையுடன் வாருங்கள். ஆகிரத்தின் எண்ணத்தைக் கூட விட்டு விடுங்கள். அவன் அல்லாத எல்லா வஸ்த்துக்களையும் விட்டு விடுங்கள். இவைகள் அந்த ஆண் அழகர்களின் குணங்கள் ஆகும். இவைகளின் பக்கம் இந்த புண்ணியாத்மாக்கள் மக்களை அழைக்கிறார்கள். அவர்களின் நோக்கம் மக்களைச் சீர்திருத்துவது, எல்லாக் கூட்டத்தினர்களையும் சீர்திருத்துவது, வானத்திலிருந்து பூமி வரை மட்டுமல்லாது அர்ஷிலிருந்து அதள பாதாளம் வரை, எல்லாமே சீர்திருந்த வேண்டும் என்ற கண்ணோட்டம் அவர்களுக்கு உண்டு. அடியார்களே மனதையும் மனயிச்சை யையும் தொடர்வதை விட்டுவிட்டு அந்த உயர்ந்த மேன் மக்களின் பாதங்களுக்கடியில் பூமியாக ஆகிவிடுங்கள். அவர் களின் கரங்களில் மண்ணைப் போல் ஆகிவிடுங்கள்.

அல்லாஹு தஆலா உயிரற்றதிலிருந்து ஜீவனுள்ள வஸ்த்துக்களை உண்டாக்குகிறான். ஜீவனுள்ள பொருள்களி லிருந்து உயிரற்றவைகளை உற்பத்தி செய்கிறான். ஜீவனற்ற உள்ளம் உடையவர்களான அதாவது ஈமான் உடைய வாழ்க்கை இழந்தவர்களான பெற்றோர்கள் வயிற்றில் இப்ராஹீம் (அலை) அவர்களைப் படைத்தான். உண்மையில் மூஃமின்களின் வாழ்க்கை தான் வாழ்க்கை. காபிர்களின் வாழ்க்கை மரணம் தான். ஹதீதே குதுஸியில் அல்லாஹு தஆலா திருவுளம் பற்றினான்:- என்னுடைய படைப்பு களில் எல்லாவற்றையும் விட முதலில் இறந்தவன் இப்லீஸ். அதாவது எல்லோரையும் விட முதல் காபிரான இவன் பாவத்தால் ஈமானுடைய வாழ்க்கையை இழந்தான். மனிதர்களே! இது கடைசி காலம். இதில் நயவஞ்சகத்தின் தலைவாயில்கள் திறந்துவிட்டன. பொய்க்கும், நம்பிக்கை

துரோகத்திற்கும் சிறகுகள் முளைத்துக் கொண்டன. கபடர்கள், பொய்யர்கள், ஏமாற்றுக்காரர்களுடன் சேர்வதைவிட்டு தூரமாக வேண்டும் என்று ஞாபகத்தில் வையுங்கள். அதைப் போன்றே நீங்கள் தங்கள் நப்ஸ் என்ற வஞ்சகர்களை, பொய்யர்களை, கெட்டவர்களை விட்டும் தூர ஓடுங்கள். இதன் கருத்து என்ன வென்றால் - அவை களின் விருப்பத்துக்கு மாறு செய்யுங்கள் என்பதாம். அவை கள் சொல்வதைக் கேளாதீர்கள். அவைகளைச் சிறைப்படுத் துங்கள். அவைகளை மூக்கணாங்கயிறு இல்லாத ஒட்டகம் போல் விட்டுவிடாதீர்கள். உஷாராகயிருந்து அவைகளின் கால்களைக் கட்டி வையுங்கள். அத்துடன் எந்த அளவு உரிமையுடையவைகளாக இருக்கின்றனவோ அந்த அள வுக்கு அவைகளின் அத்தியாவசியத் தேவைகளை அவை களுக்குக் கொடுத்துவிடுங்கள். அவைகளின் நீண்டவேண்டுதல் (மனுக்)களை முஜாஹதாத் என்ற அமல்களின் மூலம் ரத்து செய்துவிடுங்கள். நீங்கள் அவைகளின் மீது சவாரி செய்யுங் கள். சந்தர்ப்பம் பார்த்து அவைகள் உங்கள் மீது சவாரி

செய்துவிடக்கூடாது.

தபீ அத் (மனம்) என்றால் என்ன? அது ஒரு சிறு குழந்தை. அதன் சிநேகமும் நல்லதல்ல. குழந்தைகள் அறிவில்லாதவர் களாயிருப்பது போன்றே அதற்கும் அறிவு இல்லை. நீங்கள் அதனிடத்தில் எதையும் கற்றுக்கொள்ள விரும்புகிறீர்களா? அப்படி என்றால் குழந்தைகளுக்குமுன்மண்டியிட்டு மரியாதை செய்ய விரும்புகிறீர்கள் என்று அர்த்தம்.

ஷைத்தான் என்றால் யார்? அவன் உங்களின் பகிரங்க விரோதி, அவனோ உங்கள் மூலப்பிதா ஆதம் (அலை) அவர் களுக்கும் விரோதியாக இருந்தான். அவன் உங்களுக்கு நிம்மதியளிக்க முடியுமா? நீங்கள் அவனுடைய தர்பாருக்கு உகந்தவர்களாகி உங்கள் எண்ணங்களை ஈடேற்றிக்கொள்ள முடியுமா? உங்களுக்கும் அவனுக்கும் மத்தியிலுள்ள விரோதம் ஆழமானதும் பழமையானதுமாகும். நீங்கள் அவனின் நிழலிலும் வரக்கூடாது. அவன் உங்களுக்கு நிம்மதியைக் கொடுக்கமுடியாது. 

அவன் உங்களுடைய பாவா ஆதம் (அலை) அவர்களையும் ஏமாற்றிவிட்டிருக்கிறான் உங்களுடைய அன்னை ஹவ்வா (அலை) அவர்களையும் ஏமாற்றியிருக்கிறான். அவனுடைய நேசத்தை நம்பாதீர்கள். எப்பொழுது சந்தர்ப்பம் கிடைக்குமோ அப்பொழுதெல்லாம் உங்களுடைய இரத்தத்தை உறிஞ்சியே விடுவான் உங்களுடைய மரியாதைக்குரிய பெரியோர்களது ஆை களை இரத்தக் காடாக்கியதைப் போன்றே உங்களையும் செய்வான். பயபக்தி என்ற ஆயுதத்தால் நீங்கள் உங்களை தற்காத்துக் கொள்ளுங்கள். அல்லாஹ்வுடைய தென்னும் ஏகத்துவக் கொள்கையை உங்களுடைய தவ்ஹீ குறிக் கோளாகக் கொள்ளுங்கள். அதற்காக வேண்டி நிஷ்டை- ஓர்மை, தனிமையில் வணக்கம், குணங்களில் தூய்மைகளை உங்களின் நெறியாக ஆக்கிக் கொள்ளுங்கள். மானாலும் உங்களின் இறையோனிடத்தில் எதுவேண்டு கேளுங்கள். அந்த நல்ல குணங்களை உங்களின் பட்டாளங்களாகவும் பயபக்தியை வாளாகவும் ஆக்குங்கள். இந்தப் படைகளே ஷைத்தானை எதிர்த்து வெற்றி கொள்ள போதுமானது. அவனுடைய படைகளைத் தோல்வியடையச் செய்யும். ஏனென்றால், அல்லாஹ்வின் உதவியும், வெற்றியைத் தருவதும் உங்களின் பக்கமே இருக்கிறது. உங்களுக்கே உதவி புரிவான். அவன்

அல்லாஹ்வின் அடியானே! இம்மை மறுமை இரண் டையும் ஒரே தட்டில்வை. அவைகளை ஒரே உறைகல்லில் வை. பின்பு நீ உன் மனதை அந்த எஜமானின் பக்கம் வை. அந்த மனம் இம்மை மறுமையின் ஆசாபாசங்களை விட்டுக் காலியானதாக இருக்க வேண்டும். தன் எஜமானைத் தவிர எந்த வஸ்துவின் பாசத்திற்கும் தன் உள்ளத்தில் இடம் கொடுக்காதே. ஆண்டவனை விட்டு தூரமாகி அடியார்களின் கைப்பாவை ஆகாதே. காரணங்களை விட்டு உன் கவனத்தை திருப்பிவிடு. அர்பாபம் மின் தூனில்லாஹி 3-64 அல்லாஹ் அல்லாத ரக்ஷகர்களை நாடாதீர்கள். முடிந்தால் இம்மையின் ஆசைகளைத் தன் ஆத்மாவரை வவத்துக்கொள். 

மறுமையின் ஆசைகளை உன் உள்ளத்தில் வைத்துக்கொள். உன் எஜமானின் பேரில் உள்ள பற்றை உன் உள்ளத்தின் ஆழ்த்திவை.

அல்லாஹ்வின் அடியார்களே!

அந்த அல்லாஹ்வை தவிர்த்து வேறு எந்தப் பொருளில் மீதும் நீங்கள் பற்றுவைக்கத் தேவை இல்லை. அவன் கிடைத்து விட்டால் எக்காலமும் நீங்காத பொக்கிஷம் கிடைத்து விட்டது. அந்த உன் எஜமானனிடமிருந்து நீ அடையும் நேர்வழி அதற்குப்பின் வழிகேடு இல்லாத நேர்வழியாகும். பாவத்திற்குப் பரிகாரம் தேடி கவனத்தை அவன் பக்கம் வைக்கவேண்டும். ஆனால் தௌபா எப்படி இருக்கவேண்டும்? உள்ளும்புற மும் தௌபாவால் (பாவத்தின் பரிகாரம் தேடப்பட்டதாக) ஆகவேண்டும். அந்த தௌபா உள்ளே (பாத்தினில்) இறங்கும் மருந்து. அது பாவமென்னும் பறந்தாடும் ஆடைகளை அகற்றிவிடும். உலகத்தாருடனில்லாது இறைவனிடத்தில் வெட்கமடை வதைக் கற்பிக்கும். இது உண்மையான வெட்கம். மனி தர்களைக் கண்டு ஏற்படும் வெட்கம் உண்மையானதல்ல. (அது மஜாஸி போலி வெட்கம்) இவைகள் கல்பு (உள்ளத்து) டைய அமல்கள். மேலும் இவைகள் உடலுறுப்புகளின் வெளிப்படையான சுத்தத்துடனும், மார்க்க சுத்தத்துடனும் ஆண்டவனின் தர்பாரில் ஒப்புக்கொள்ளப்பட்டவைகளா கின்றன. எப்பொழுது மனம் உலகப்பாசம் காரணம் என்னும் முள்காட்டு வனாந்தரங்களை விட்டு வெளியேறி விடுகிறதோ அப்போது அது நம்பிக்கை.ஞானக் கடலிலே நீந்தக் கூடியதாகிவிட்டது. ஞானம், நம்பிக்கை என்னும் மைதான (வீர) மனிதனாக ஆகிவிட்டது. எப்பொழுது அது அக்கடலின் நடுவினிலோ அல்லது அந்த மைதானத்தில் அது கரையை விட்டும் தூரமாகிவிடுகிறதோ அப்பொழுது அது இவ்வாறு சொல்லுகிறது: "அல்லதீ கலக்கனீ பஹுவ யஹ்தீனி" 26-78 "யார் என்னைப் படைத்தானோ அவனே எனக்கு நேர்வழி காட்டுவான்" அதனால் அது

க்ரையில் இருந்து மறுகரை வரை (இக்கரையிலிருந்து அக்கரைவரை) அல்லது ஓரிடத்திலிருந்து வேறிடம் வரை சில காலம் தவிர்த்துத் திரிந்த போதிலும் கடைசியாக வெகு சீக்கிரத்தில் நேர்வழியில் வந்தே விடுகிறது. கண்ணுக்கும் புலனாகாத ரக்ஷிக்கும் சக்தி அதற்குக் கைகொடுத்து உத வத் தயாராக முன் வந்தே விடுகிறது. இறை நாட்டத்தார் உள்ளம் எண்ணிலடங்காத மைல் தொலை தூரங்களைக் கடக் கிறது. எல்லா வஸ்துக்களையும் தேடுவதின் மூலம் அது அவைகளை அடையப் பெறுவதற்கு நிம்மதியற்று தவிக்கிறது. அதன் உண்மையான தேட்டமும் வீரத்தனமான அதன் துடிப் பின் பலனாக பயத்துடைய நேரத்திலே அழிவதை விட்டும் காப்பாற்றப்படுகிறது. அதனுடைய ஈமான் என்னும் படகு அக்கடலில் மூழ்குவதை விட்டும் அது காப்பாற்றி விடு கிறது. வெறுப்பு பயம் என்னும் கரியமேகங்கள் அதன் கண் களை விட்டும் தூராக்கப்பட்டு அதனிடத்தில் அன்பும் அருளா ளனுக்கு அருகில் நெருங்கும். ஆனந்த ஸுப்ஹு (காலை) வேளையும் உண்டாக ஆரம்பிக்கிறது.

அடியானே! அந்த வழிகேடு அல்லது முஸீபத் (அபாயம்) என்னும் வியாதி உன்னை வந்து சூழ்ந்துகொள்ளும் போது பொறுமையா (ஸப்ரா) ல் அதை தகர்த்து விடுவதுடன், மேலும் அதற்கு பொறுமை என்ற மருந்தின் மூலமே வைத்தி செய்துகொள். நன்றிக் கரங்களால் அந்த மருந்துக் கோப்பை யைப் பருகிவிடு. அதன் பலனாக நீ ஆரோக்கியம் என்னும் பாக்கியத்தால் ஈடேற்றம் அடைந்தவனாகிவிடுவாய், வெற்றி என்னும் உயர்ந்த சிகரத்தை எட்டிப் பிடித்தவனாக ஆகிவிடுவாய்.

கொழுந்துவிட்டு எரியும் நெருப்பைக் காண்பது மூமினான மனிதனின் உள்ளத்தில் அல்லாஹ்வின் அச்சத்தை உண் டாக்கும். அதே அச்சமாகிறது, அந்த ஆண்டவனின் அன்பு, அருள் என்னும் தலைவாயில்களை அவனுக்காகத் திறந்துவிடுகிறது. அவன் அத்தலைவாயில்களில் நுழையும்போது அவன் உள்ளத்திலே ஆனந்தமும் (பெருமிதமும் தாண் டவமாடுகின்றன. அதன்பின் அந்த அல்லாஹ்வின் ஜலால், கிப்ரியாயி (கோபக்கனல் கொண்ட குணக்) காட்சியைக் காணும் போது அவர்கள் மனங்களிலும் ஆத்மாக்களிலும் முன்பிருந்ததைவிட அதிக அச்சமும் பய உணர்ச்சியும் உண் டாகி விடுகின்றன. அதன்பின் அவர்களுக்காக ஜமால் (அழகு சௌந்தர்யகுணத்) தன்மையின் தலைவாயில் திறக்கு கிறது. இப்பொழுது பரிபூரண நிம்மதியும் சாந்தியும் ஏற் படுகிறது. இதுதான் கடந்து செல்ல வேண்டிய லாஹூத் தின் உயர்ந்த முன்னேற்றப்படி தரஜாவாகும்.

அடிமையே! உணவு, உடை, உறைவிடம், திருமணம் ஆகியவைகள் மட்டும் உனது வாழ்க்கைக் குறிக்கோளாக ஆகிவிடக்கூடாது. உன் மனதுக்கும் உன் ஆத்மாவுக்கும் கூட நோக்கமும் குறிக்கோளும் இருக்கின்றன. இவைகள் எல்லாவற்றையும் விட சிறந்த குறிக்கோள் நீ அறிவாயா. அது ஆத்மீகத்திற்கு எதிர்முறையில் அமுங்கிக்கிடக்கிறது. மிகச்சிறப்பான நோக்கம் இறைவனின் திருப்பொருத்தம் ஆகும். இது உன் வாழ்க்கைக் குறிக்கோளில் அதிக முக்கிய மானது. இதுவே உன் வாழ்க்கையின் உண்மை நோக்கமாக இருக்க வேண்டும். துன்யாவுக்குப் பிரதிபலன் ஆகிரத் படைப்புகளுக்குப் பிரதிபலன் படைத்தவன். நிலையற்ற உல கின் பொருள் ஏதாவது உன்னை விட்டும் தவறிவிட்டால் அதை ஈடுசெய்வதற்கு அதைவிட அதிக உயர்வான பொரு ளான ஆத்மீகத்தால் நீ லாபமடைய முடியும். வாழ்க்கை யில் எஞ்சியுள்ள நாட்கள் எவ்வளவோ அவைகளை மறு உலக நிர்மாண காரியங்களில் கழித்து விடு. மலக்கல் மௌத்து வலைவிரித்து வைத்துக்கொண்டு உட்கார்ந்திருக் கிறார். அவ்லியா (இறைநேசர்) களிடத்தில் உலகத்தின் அந்தஸ்து என்ன? மறு உலகத்திற்காக கட்டிச்சாதம் தயார் செய்து கொடுக்கும் சமையல்காரனைப் போன்றதுதான் அது. ஆகிரத்தில் அவர்களுக்காக வாழ்க்கையின் உண்மை நோக்கம் நிர்மாணிக்கப்பெறுகிறது

கம் என்பது என்ன? அதுதான் அவர்களது நாயன் அவர் களைச் சந்திப்பது. அதனால் தான் உண்மையில் அவர்கள் துன்யாவைத் தேடக்கூடியவர்களும் அல்ல; ஆகிரத்தின் பேரில் பேராசைப் பார்வை பார்ப்பவர்களும் அல்ல. செல் வச் செருக்கில் அல்லாஹ்வை நீங்கள் முஹப்பத் வைப்ப தும் வேதனையும், சோதனையும் வரும்போது உங்கள் மனம் அதைவிட்டு ஓடநினைப்பதும் 'அவன் பேரில் அன்புகொண் நேசர்கள் நாங்கள்" என்ற உங்கள் வாதத்தை மெய்ப்படு தும் திரையைக்கிழித்து விடுகிறது. வேதனையிலும் சோதனை யிலும் துணிவுடனும் ஊக்கத்துடனும் நிலைத்து நிற்பீர்களா னால் இதுவே முஹப்பத்தே இலாஹி (இறையன்பு) ஆகும். இப்பொழுது நீங்கள் அவனுடைய மஹ்பூப் (நேசர்) கள்) ஆக ஆகிவிடுகிறீர்கள். அந்தப் பரீட்சையும் உங்க ளுக்கு அவசியமாகவும் இருந்திருந்தது. ஒருமனிதர் நபிகள் (ஸல்) அவர்களிடம் வந்து "யாரஸூலல்லாஹ்! நான் உங்களை நேசிக்கிறேன்'' என்று சொன்னார். அப்படியென் றால் வறுமைக்கும் ஏழ்மைக்கும் போர்வை தயார்செய்து கொள் என்று பெருமானார் கூறினார்கள். மற்றொரு மனி தர் அவர்களிடம் வந்து "அல்லாஹ்வை நேசிக்கிறேன்'' என்றுசொன்னார். அப்படியென்றால் முஸீபத்து (சோதனை) களுக்காக போர்வை தயார் செய்துகொள் என்று நபிகள் (ஸல்) கூறினார்கள். அல்லாஹ் ரஸூல் உடைய முஹப் பத் வறுமை, ஏழ்மை, சோதனைகளுடன் இணைக்கப்பட்டி ருக்கிறது. ஒரு நல்ல மனிதர் எவ்வளவு அருமையாகக் கூறியிருக்கிறார், "குல்லுல் பலாயி பில் வலாயி" முஸீ பத்துக்கள் அடங்கலுக்கும் முஹப்பத்துடனே ஆழமான தொடர்பு உண்டு. நீ அல்லாஹ்வின் நேசனாக வேண்டும் என்றால் முஸீபத்துக்களைச் சகித்துச்செல், பொய்யர்களுக்கு அல்லாஹ்வின் நேசத்தைப்பற்றி மூச்சு விடுவதற்கும் துணிவு பிறக்க மாட்டாது. அவர்கள் பொறுமையில் பாதம் தரிபட்ட வர்களாக ஆகியிருக்கவில்லை என்றால், அதனால் தான் பரதம் தரிபட்டு நிலைத்திருப்பதை முஹப்பத்தே இலாஹியி (இறையன்பி)ன் உரைக்கல்லாக ஆக்கப்பட்டது.

Read More

குழந்தைகளுடன்

 

உங்கள் இல்லங்களில் குழந்தைகளின் இரைச்சல் சத்தங்கள் கேட்டு நீங்கள் அதிர்ப்தி அடையாதீர்கள். 

குழந்தைகளின் அன்றாட சத்தங்களையும் சண்டைகளையும் கண்டு முகம் சுழிக்காதீர்கள். 

குழந்தைகளின் குறும்புத்தனங்களையும் கூக்குரல்களையும் ரசித்து வாழுங்கள் 

சாக்லேட்டுக்காவும் சாண்ட்விச்சுக்காவும் அவர்கள் அடித்துக்கொள்வதை, பிடித்துக் கொள்வதை ரசித்து வாழுங்கள். 

கட்டில்களில் ஏறி மிதித்து விளையாடுவதையும், மெத்தையில் துள்ளிக் குதிப்பதையும் ரசித்து வாழுங்கள். 

அவர்கள் சவட்டி வைத்து அறைகளை ஒழுங்குபடுத்தும் போதும், அவர்கள் விளையாடி சிதறிய விளையாட்டுப் பொருட்களை ஒன்று சேர்க்கும் போதும் அவர்கள் சிந்திய சோத்து மணிகளை அள்ளும் போதும் மனதால் சலித்துக் கொள்ளாதீர்கள். 

அதிகாலையில் அவர்களை எழுப்பாடி, குளிப்பாட்டி ஆடைகள் அணிவித்து, தலை வாரி அலங்கரித்து பள்ளிக்கூடம் வழி அனுப்புவதையும், பின்னர் மாலையில் வரவேற்பதையும் ரசித்து வாழுங்கள். 

இராக்கல கதைகளை ரசித்து வாழுங்கள், பகல்கால ஒன்று கூடல்களை ரசித்து வாழுங்கள். 

நாளை ஒருநாள், நீங்கள் பார்த்திருக்க உங்கள் குழந்தைகள் வளர்ந்து, ஆளாவார்கள்.

பெண் பிள்ளைகள் பெருப்பதோடு அவர்களின் பெண்மை உணர்வும் பெருத்துவிடும். 

ஆண் பிள்ளைகள் பெருப்பதோடு அவர்களின் ஆண்மை உணர்வும் பெருத்துவிடும். 

ஒவ்வொருவரும் அவரவர் சொந்த புத்தியில் வாழ ஆரம்பிப்பார்கள். அவர்கள் விரும்பிய வழிகளில் ஒதுங்கிவிடுவார்கள். 

புதிய புதிய பாதைகளை அமைத்துக் கொள்வார்கள்.

ஒருவர் ஒருவராக வீட்டை விட்டும் புறப்பட ஆரம்பிப்பார்கள். 

ஒருவர் திருணம் முடித்து வெகு தூரம் சென்று விடுவார். 

மற்றொருவர் வெளிநாடு பயணாமாவார். 

இன்னொருவர் தன் கனவு நனவாகி கரை சேர காத்திருப்பார்.

கலகலப்பாகவும் ஆரவாரமாகவும் இருந்த உங்கள் இல்லம் திடீரென ஆள் சஞ்சாரம் அற்றதாக மாறிவிடும். 

மிட்டாய்த் துண்டுக்காகவும், கட்டிலில் இடம் பிடிக்கவும் சத்தம் வந்த உங்கள் அறைகள் வெறிச்சோட ஆரம்பிக்கும். 

ஒரே வீட்டில் பிறந்து வளர்ந்த உங்கள் சிட்டுக்கள் ஊர்விட்டு ஊராக நாடுவிட்டு நாடாக களைந்து சொல்லத் தொடங்குவார்கள். 

ஒரே விட்டில் குதூகலமாக ஓடிப்பிடித்து விளையாடியவர்கள், ஒரே தட்டில் சண்டையிட்டு சாப்பிட்வர்கள் திடீரென உங்கள் வீட்டு விருந்தாளிகள் போல வந்திறங்குவார்கள். 

பின்னர் ஒரு நாள் வரும்,,,

நீங்கள் இருவரும் அதிகாலை வேளைகளிலும் அந்திப் பொழுதுகளிலும் உங்கள் வாசற்படிகளில் அமர்ந்திருப்பீர்கள். 

எந்தப் பிள்ளை எப்போது எங்கள் முகத்தை காண வருவார்களோ என ஏக்கத்துடன் காத்திருப்பீர்கள். 

ஆதலால் நாம் வாழும் ஒவ்வொரு நொடிப் பொழுதையும் ரசித்து வாழ்வோம். வாழ்ந்த காலத்தை ரசித்து வாழ்ந்தோம் என்ற ஆத்துமானந்தம் என்றும் இருக்கட்டும். 

வாழ்வை ரசித்து வாழ வாழ்த்துக்கள்!

✍ தமிழாக்கம் / imran farook

Read More